Mihatag sa mainit nga mensahe si Supreme Court Associate Justice Amy C. Lazaro-Javier o mas naila isip BAR MOM AMY.
Si Justice AMY kinsa Bar Examinations Chairperson ning tuiga, mi-awhag sa tanan bar exam takers nga dili kalimtan ang gugma sa kaugalingon, sa proseso, ug sa mga sakripisyo nga ilang giagian.
Sa video nga gipagawas atol sa countdown sa Bar 2025, giila niya nga natural ang pagbati sama sa kabalaka ug tensyon, apan gipasabot niini nga ang matag hagit ug kalisod adunay kahulugan ug angay hatagan sa bili.
Giingon pa niya nga ang tinuod nga kalampusan dili lang sukdon sa resulta sa pasulit, apan sa pagpadayon sa pagmahal sa kaugalingon ug sa propesyon nga gipili.
Ang iyang mensahe pagpahinumdom sa tanan nga taliwala sa n presyur ug taas nga “expectations”, ang gugma maoy pundasyon sa tinuod nga kalampusan.
