Gipahibalo sa Department of the Interior and Local Government (DILG) nga adunay ₱10-milyon nga bounty alang sa pagdakop kang Charlie “Atong” Ang. Si Secretary Jonvic Remulla mismo ang nag-authorize ug nagpondo sa maong reward. Apan, gisaway kini ni kanhi election commissioner Rowena Guanzon. Sumala niya, basin kabalo na ang mga otoridad sa nahimutangan ni Ang ug ang premyo mahimong mapadulong lang sa bulsa sa uban. Gitawag ni Remulla nga “unfair” ang pamahayag ni Guanzon. Iyang giinsist nga kung kabalo pa siya sa eksaktong nahimutangan ni Ang, iya dayun kini ipadakop. Sa pagkakaron, padayon pa ang koordinasyon sa DILG uban sa PNP ug NBI aron masiguro ang pagdakop niini. (Jane ABulag)
