Gitahasan ni Pres Bongbong Marcos ang bag-ong kalihim DILG nga si Jonvic Remulla nga hatagan sa igong seguridad ang mga kandidato sa 2025 elections sa nasud.
Gihimo ni Marcos ang tahas sa wala pa mibiya sa Pilipinas kay mitambong sa laing international event didto sa Lao DPR.
Miingon si Remulla kinsa mihulip kang kanhi DILG Secretary Benjamin Abalos Jr nga kabahin sa iyang ipadayon nga tahas ang pagsumpo sa mga naglihok pang POGO facilities nga gipabungkag ni Marcos.
Siya miingon nga apil sa iyang seguradong ipaguba ang POGO hub nga nag-renta sa ilang property sa Cavite.
Hisayrang si Remulla ang kanhi Cavite governor ug igsoon ni Justice Secretary Jesus Crispin Remulla.
