Gipanghimakak na ni Department of the Interior and Local Government Secretary Jonvic Remulla nga adunay upat ka tag-as nga opisyal sa gobierno nga nagplano aron dakpon si kanhi Pres Rodrigo Duterte.
Gihimo ni Remulla ang katin-awan sa senate committee on foreign relations investigation sa senado nga gipanguluhan ni Presidential sister Senator Imee Marcos sa kauluhan.
Nagisa si Remulla sa komitiba kay nangayo’g katin-awan si Marcos kung unsa ka planado ang pagdakop kang Duterte.
Namugos si Remulla nga walay gihimong pagplano pagdakop kang Duterte apan sukwahi kini sa gitug-an niya sa TV interview diin nalakbitan si Pres Bongbong Marcos, National Security Council Adviser Eduardo Año ug Defense Secretary Gilberto Teodoro Jr.
Miingon ang kalihim nga petsa 10 pa sa Marso gisugdan nila’g hisgot ang tsismis kabahin sa gisulti ni Duterte nga bisan atua kini sa Hong Kong nga may arrest warrant na batok kaniya.
Hisayrang sa pagka-petsa 11 sa Marso,hawid na sa Pilipinas ang warrant sa International Criminal Court aron dakpon si Duterte sa crimes against humanity didto sa The Hague,Netherlands.
