Suportado sa naglangkob sa Oro Chamber of Commerce ang sugyot nga angay nang ipalig-on ang pagpatuman sa paggamit sa renewable energy aron maubsan ang pagsalig sa fuel sources alang sa nagkadaiyang pasilidad ug transportrasyon.
Kini ang nakit-an nga kabahin nga sulbad ni Oro Chamber Pres Engr Almarco Brito aron dili grabeng apektado ang Pilipinas kung magkagubot ang kanasuran sa Middle East susama sa nahitabo sa Iran ug Israel.
Namahayag si Brito nga naghatag sa dakong leksyon ang krisis sa lana gumikan sa panaggubat sa Israel nga gikuyugan sa Amerika batok Iran diin nabisto kung unsa ka dili preparado ang gobierno sa Pilipinas.
Hisayrang nabati na sa katawhan ang pagsaka sa mga presyo sa petrolyo ug uban batakang palaliton samtang ang kagamhanan igo ra nanghinaut nga mahupay na ang kagubot sa tunga-tungang sidlakan. (by James Oliver)
