Nagatuo si House Committee on Justice member Representative Joel Chua nga mas dako pa sa P6.7-bilyon ang kinatibuk-ang bank transactions nga nalambigit kang Vice President Sara Duterte base sa report sa Anti-Money Laundering Council (AMLC).
Sumala kang Chua, ang report nga gipakita sa impeachment hearing wala nagpasabot nga mao na ang kinatibuk-ang kantidad tungod kay ang AMLC naga-monitor lamang sa mga deposito nga moabot sa P500,000 pataas.
Busa, giklaro niya nga wala maapil sa report ang gamay nga mga deposito nga posible pa makadugang sa kantidad. Gibug-aton ni Chua nga kinahanglan masusi ang tanang lihok sa kwarta aron matino kung adunay nahitabo nga paglapas sa balaod. (phillip ariata)
