CAGAYAN DE ORO CITY – Gisaway ni City administrator Teddy Sabugaa ang minus nga infrastructure projects nga nahatag ni Cagayan de Oro 2nd District Rep Rufus Rodriguez sa Brgy Bugo ning syudad.
Gihimo ni Sabugaa ang komento tungod sa pagkabaha-i sa libuang pamilya sa dako nga bahin sa Brgy Bugo sa miaging semana.
Namahayag si Sabugaa nga angay ang pondo sa kongresista ang magamit ilabina sa pagtukod sa flood controls aron dili na subli mabahaan ang katawhan sa iyang distrito.
Samtang gihimamak ni Cagayan de Oro 2nd District Rep Rufus Rodriguez ang pasangil ni Sabugaa kabahin sa mga imprastraktura sa iyang distrito ning syudad.
Miingon si Rodriguez nga naghinobra na ang iyang mga proyekto sa segundo distrito sukwahi sa panaghap ni Sabugaa.
Giangkon ni Rodriguez nga dunay porsyon sa flood wall nga wala nahuman nga maoy giagian sa pagbaha sa Brgy Bugo sa miaging semana.
