Natingala ang grupong Bagong Alyansang Makabayan (BAYAN) kung nganong sa 2027 nasudnong pondo sa Department of Public Works and Highways (DPWH), napadulong kang Ilocos Norte 1st District Sandro Marcos ang pinakadakong pahat sa mga distrito nga mubalor sa kapin P4-Bilyon pesos, itande sa mas luag nga probinsya sa Bukidnon nga gihatagan lamang sa P100-Milyon alang sa mga proyekto sa DPWH.
Gawas sa anak sa presidente, gitagakan usab sa dagkung aloksyon ang iladong mga kaalyado ni Marcos, sama sa Davao de Oro nga adunay 1.68 billion budget, ug ang Misamis Occidental dunay 1.68 billion nga budget.
Pinaagi niini, napakita sa mga magbabalaod sa Kamara nga aduna gihapon luto nga klase sa pagbahin – bahin sa gobyerno ug tataw nga gamay ra ang makuha sa usa ka distrito nga dili kaalyado sa gobyerno.
Namugos ang BAYAN nga dili kini maki-angayon ug panahon na aron mu–aksyon ang katawhan sa dili patas nga pag-alokar sa pondo sa gobyerno
