CAGAYAN DE ORO CITY – Wala sa katakos ni Cagayan de Oro 1st District Cong. Lordan Suan nga diktahan ang Commission on Elections o Comelec sa angay nila nga buhaton batok sa kandidatura ni Kapitan Kikang Uy sa Brgy Carmen ning syudad.
Kini ang tubag ni Suan nunot sa pasangil sa iyang mga kaatbang nga siya ang nagmani-obra sa Comelec aron mohimo’g imbestigasyon batok kang Uy.
Miingon ang kongresista nga bag-o pa lang kini sa politika itandi kang City Mayor Rolando ‘Klarex’ Uy nga kadungan mismo ni Pres Bongbong Marcos sa ilang pagsilbing mga kongresista kaniadto sa kamarabaha.
Hisayrang dugay nang nagka-ribal sa politika ang duha ka pamilya nga mi-resulta sa pagdangop na sa mga buhatan sa gobierno tungod sa isyu sa kuwestiyonable nga pagsaka sa ihap sa mga botante sa Brgy Carmen ning syudad.
