Human madiskobrehan ang daghang ghost flood control projects sa Davao City ug Davao Occidental, namugos si Representative.Terry Ridon nga ang Davao Region maoy “epicenter” sa mga ma-anomalya nga proyekto sa Mindanao.
Ang iyang pahayag gisubay sa datos nga iyang nahipos gikan sa DPWH.
Unod sa datos ang 18 ka flood control projects nga gi-klasipikar isip “no structure,” “incomplete,” “poorly situated,” ug “unconstructed,” nga nagpasabot nga wala kini nahuman, sayop ang lokasyon, o wala gisugdan.
Gumikan niini, mi-apelar ang magbabalaod sa Independent Commission for Infrastructure (ICI) nga imbestigahan kining mga nadiskobrehan nga impormasyon DPWH.
Una niini, gipamugos ni Ridon nga dili pinili o espesyal nga lokasyon ang Davao aron imbestigaran apan, misubay lamang ang mga otoridad sa mga reklamo nga ilang nadawat ug sertoso kining mga ebidensya nga ilang gipresentar sa publiko.
Ang kang Ridon, ang mga ebidensya nagpamatuod nga posibleng adunay lapad nga korapsyon ug pag-abuso sa pondo sa imprastruktura sa maong rehiyon.
