CAGAYAN DE ORO CITY, Philippines – Kalmado nga gitubag ni Department of Foreign Affair (DFA) Secretary Enrique Manalo ang akusasyon sa representante sa China nga ang Pilipinas ang mi-inisyar sa daghang probokasyon sa giilogang teritoryo sa West Philippines Sea, sa Pilipnas, ug South China Sea sa China.
Ang managsumpaki nga mga pamahayag natigayon sa roundtable discussion sa61st Munich Security Conference. Gisaksihan nila Former Chinese vice-foreign minister Fu Ying; U.S. Senator Christopher Coons; ug Singapore Minister for Defense Ng Eng Hen ang binayluay sa argumento. Ang tema sa dayalogo mao ang “Making Waves: Maritime Tensions in the Indo-Pacific”.
Gidepensa ni Manalo ang pag-implementar sa gobyero sa Pilipinas sa rules-based international order ug rule of law, ilawom sa United Nations Convention on the Law of the Sea (UNCLOS).
