Wala mapugngan ni House Prosecutor ug Manila Representative Joel Chua ang iyang kaugalingon sa pagpadayag sa iyang pagsaway sa unang testigo sa kampo sa depensa nga si Davao City Assessor Engr. Jaime Adalin.
Matud ni Chua, dayag kaayo nga pagpamakak ang testimonyang gipahayag ni Adalin sa singudanan pa lang aron maprotektahan ang iyang amo, diin gipagawas niini nga komersyal ang usa ka business establishment bisan pa nga dayag na kaayo ang kamatuoran sa presentasyon sa prosekusyon nga residential kini.
Gikuwestiyon usab sa kongresista kung giunsa niini pagkalimot sa iyang biyahe sa China niadtong niaging tuig ug mipahayag sa iyang pagduda nga mahitabo kini gawas na lamang kung daghan siyag biyahe. (raniel mahunyag)
