Pormal nga nagpasaka og libel complaint batok sa pipila ka prensa ug media executives si Davao City 1st District Representative Paolo “Pulong” Duterte kagahapong adlawa didto sa City Prosecutor sa Davao City.
Basi sa complaint-affidavit, lakip sa mga gipanganlan sa maong reklamo si National Bureau of Investigation (NBI) Director Melvin Matibag, Rodulfo Gracioso Jr., Felipe L. Gozon, Gilberto R. Duavit Jr., Mel Tiangco, Vicky Morales, Emil Sumangil, Darlene Cay, Marvin Parado, Joel San Luis, John ug Jane Does.
Bahin ang maong reklamo sa kontrobersiya mahitungod sa alegasyon ni Gracioso nga nagdala kini og mga maleta nga matud pa dunay sulod nga salapi ngadto sa pamilyang Duterte nga hugot nga gipanghimakak kini sa kampo sa pamilyang Duterte.
Dugtong niini, ang maong legal nga lakang kay sunod sa unang kontrobersiya, diin gisaway pag-ayo ni Vice President Sara Duterte ang GMA News tungod sa matud pa wala pag-verify niini sa mga pahayag nga gipagawas sa natangtang sa serbisyo nga Pulis nga si Rodulfo Mondigo Gracioso Jr. (raniel mahunyag)
