CAGAYAN DE ORO CITY – Ipalig-on pa sa Lanao del Sur Provincial Crisis Management Committee ang ilang mga paagi sa pagluwas sa mga sibilyan nga pabiling nalukong sulod sa war zone sa Marawi City.
Kini human nakit-an sa komitiba ang pipila ka kakulangon hinungdan nga naglisod sila pagkuha sa nabiling mga sibilyan mismo sa tugkaran sa mga teroristang ISIS-Maute.
Gibutyag sa Bombo Radyo ni Lanao del Sur 2nd District board member Abulhamid Amerbitor kinsa miembro usab sa komitiba nga naghulat na sila sa pagtugot sa militar aron subli sudlon ang war zone diin nahimutang ang daghan pang mga sibilyan nga nalukong sa kapi’g usa na ka bulan nga kagubot.
