Nakapanawag ug tabang sa Bombo Radyo ang pipila ka residente sa Iligan City.
Human maglandfall ang bagyong Basyang sa bandang alas 11 sa gabie, wala damha sa mga taga Iligan nga mukusog ang bubo sa tubig nga nagresulta sa grabeng pagbaha.
Sa upat ka mga suba nga gimonitor sa ilang CDRRMO, ang Tubod Bridge ang unang nag-overflow nga nagresulta sa pagbaha sa mga residente nga namuyo sa baha.
Misegunda pag-awas ang tubig sa suba sa Pugaan bandang alas 12 ang takna sa kadlawon.
Aduna usab natala nga mga pagbaha nga taman sa hawak ug li-og sa Tinapoy ug Mahayahay busa dinaliang gilusad ang rescue operations.
Wala pay gireport ang Iligan City Information Office kung anaa bay namissing o namatay sa ilang rescue operation sugod alas 12 ang takna sa kadlawon, ning adlawa
