Maglisod og kuha og mayoriya ang napulo ka senador nga nabilin sa pundok ni Sen. Cayetano kon itandi sa dose ka mga sakop nga anaa sa panig ni Sen. Gatchalian, matod pa ni Atty. Eddie Cuaresma, kanhi IBP Misor-CDO Chapter President.
Sa iyang pagtuki, gitin-aw sa abogado nga ang ihap nga 12 ang nagpabilin nga sukdanan sa quorum tungod kay adunay mga senador nga dili makatambong sa mga sesyon gumikan sa mga legal nga babag.
Bisan pa man sa maong baruganan, gipaklaro ni Cuaresma nga opinyon lamang kini ug gitahod niya ang panglantaw ni Senator Alan Peter Cayetano, apan gipahimangnoan niya kini nga posibleng maglisod gyud og overcome sa ihap sa Acting Senate President.
Agi og dugang, gisugyot niya nga mas maayo tingali alang sa kalinaw sa Senado nga motender na lamang og resignasyon ang kampo ni Cayetano aron malikayan ang dugang panagbangi sa maong institusyon.
