Gikaminusan lang ni International Criminal Court (ICC) Assistant to Council Atty Kristina Conti ang gipasar nga senate resolution nga nag-awhag nga ipa-ubos sa house arrest si kanhi Presidente Rodrigo Duterte.
Nagtuo si Conti nga kung dad-0n kini sa Defense Lawyer ni Duterte, taas ang tsansa nga mabasura ang petisyon, kay dugay na gipalanog sa hawanan nga dili lehitimo ang hurisdiksyon sa korte sa kaso ni Duterte.
Mahinumduman nga sa milabay’ng adlaw, 15 ka mga senador ang mi-aprobar sa resolution, 3 ang mikontra, 2 ang nag-abstain ug upat ang absent. Unod sa Resolution No. 144 ang petisyon sa Philippine Senate sa ICC nga paborar ang ilang hangyo gamit ang argumento sa “humanitarian conditions”.
Gisupak ni Atty Conti ang resolusyon ug namugos nga may kapasidad pa si Duterte nga atubangon ang patung patong nga “Crimes Againsts Humanity”.
