Nagpahimangno si Atty. Samson So Tan sa Liceo de Cagayan University College of Law sa tanang tag‑iya og armas nga mahimong responsable sa husto nga pagtipig niini human sa sunod‑sunod nga pagpamusil sulod sa mga tunghaan sa nasud nga gihimo sa mga estudyante gamit ang hinagiban sa ilang ginikanan.
Sa iyang interbyu sa Bombo Radyo, iyang gi‑pasiugda nga ang armas angay atimanon sama sa asawa apan kinahanglan itago nga daw kabit aron dili maabot sa mga bata.
Dugang pa ni Tan, duha ka batakang rason ang dapat tan‑awon sa mga ginikanan: una, ang mga menor de edad wala pa’y igong panabot ug kalibre sa panghunahuna aron masabtan kon husto ba o nakalapas na sa balaod ang ilang buhat kon makakupot og armas;
ikaduha, ang mga hamtong nga naa sa hustong pangedaron adunay bug‑at nga obligasyon nga sigurohong luwas ang pamilya pinaagi sa pagtago sa armas sa dapit nga dili maabot sa mga bata.
