Gipadayag ni Prof. Lucanus Azrael T. Igot, usa ka geopolitical analyst, nga nagkinahanglan og igong panahon ang proseso sa pagpanubag ug pag-ayo sa mga kadaot nga resulta sa panagbangi tali sa US ug Iran.
Gipunting sa maong eksperto nga ang umaabot nga bilateral agreement magsilbing basehan sa pag-imbestigar ug pagtukoy kon kinsa gyud ang angay mopas-an sa tulubagon sa mga kinabuhi nga nakalas ug mga pasilidad nga nangaguba sa gubat.
Sa pagkakaron, gipaabot nga sulod sa tulo ngadto sa upat ka tuig makita na ang resulta sa mga gihimong paningkamot aron mahatagan og katarungan ang nahitabong kadaot.
Dugang pa sa abogado, dako ang posibilidad nga ang Estados Unidos ang adunay dakong obligasyon sa pagtabang sa pagbangon sa Iran tungod kay sila ang nag-instigar sa maong panagbangi labot sa isyu sa nuclear activity.
Bisan pa niini, gilantaw sa abogado nga bawion ra kini sa US pinaagi sa pagtukod og kaugalingong pasilidad sa enerhiya sulod mismo sa maong nasud.
