CAGAYAN DE ORO CITY – Gipadali na ni Police Regional Office o PRO-10 regional director Police Brig Gen Rafael Santiago Jr ang pagsubmitar sa opisyal nga report sa nagpinusilay nga pulis diha sa Brgy Puerto sa syudad.
Kini aron makahatag na’g aksyon si Santiago kon unsa nga kaso ug silot ang ipahamtang batok kanila ni Police Staff Sgt Arman Tagolimot sa Provincial Intelligence Branch sa Misamis Oriental PNP ug Police Chief Master Sgt Jose Ryan Sevilleno sa Puerto Police Station.
Miingon si PRO 10 spokesperson Police Lt Col Surkie Serenias nga klaro nga may kasupakan si Tagolimot ug Sevilleno sa ilang pagpinusilay mismo sa publikong lugar diin nangaigo ang upat ka sibilyan.
Gipasalig sa PRO-10 nga dili mominus sa kasong administratibo ang ipakasaka batok kang Sevilleno ug Tagolimot tungod sa hitabo sa miaging semana.
