CAGAYAN DE ORO CITY-Suportado sa STAREX PISTON Northern Mindanao ang “resumption” sa peace dialogue sa GRP Peace panel ug sa CPP-NPA-NDFP.
Kini ang gi-angkon ni Ringo Lago, secretary general sa maong pundok sa pakighinabi sa Bombo Radyo.
Namugos si Lago nga kon subli na matuki ang peace talk, mosunod niini ang economic reporma sama sa paghatag balay sa mga kabus, libre nga edukasyon ug pagwagtang sa kontraktualisasyon.
Nagtoo si Lago nga makab-ot ang tinood nga kalinaw kon mobalik sa negotiating table ang gobyerno ug ang kampo sa New Peoples Army.
