CAGAYAN DE ORO CITY – Gihuptan na sa kapolisan nang person of interest o POI ang posibleng responsable sa brutal nga pagpatay sa retired public school teacher ug govt employee sa Zone 2, Brgy. 1 Malaybalay City,Bukidnon.
Giila ang mga biktima nga sila Aquiliano Limocon, 62 anyos,ulitawo,molopyo sa maong dapit ug Roger Ramonal, 52, ulitawo, residente sa Purok 9 Simaya sa nasampit nga syudad.
Nakaangkon sa lima ka dinunggaban sa lawas si Ramonal samtang dinunggaban sa tilaok usab ang nahiaguman ni Limocan.
Nadala pa sa ospital ang mga biktima apan gideklara sa mga doktor nga dead on arrival.
Gibutyag ni Malaybalay Police Station commander Lt Col Jerry Tambis nga pagpanulis ang usa sa anggulo nga ilang gitutukan sa maong krimen gumikan kay may gamit sa biktima ang nawala.
