CAGAYAN DE ORO CITY – Detinado ang bata-ong lalaki sa kapolisan nga nakaligis-patay sa senior citizen nga igo lang nagpalit sa mini-market sa Brgy Pagatpat ning syudad.
Giila ni COCPO traffic unit investigator Cpl Maximo Judaya ang biktima nga si Carmencita Montanio,74 anyos nga taga-Mindanao Homes,Brgy Pagatpat ning dakbayan.
Gibutyag ni Judaya nga pauli na ang biktima gikan nagpalitt sa karne alang unta sa panihapon sa dihang naligsan sa suspek nga si Erwin Villalon Lisondra,25 anyos nga taga-Johndorf Subd,Brgy Opol,Misamis Oriental.
Nasuta nga nakainom ang suspek samtang nag-maneho sa kolor pula nga Montero sports vehicle sa dihang natigayon ang akisdente kagahapon sa hapon.
