CAGAYAN DE ORO CITY – Paglipat lamang sa tinud-anay nga sitwasyon sa pakig-away sa pandemya sa COVID-19 ang gipamugos nga revolutionary govt sa pribadong supporter ni Pres Rodrigo Duterte.
Kini aron dili makapokus ang katawhan sa hinay ug kapalpakan nga pagpangita’g sulbad sa gobierno sa nagka-grabeng kaso sa bayrus sa nasud.
Miingon si Sen Risa Hontiveros nga mismo na ang Malakanyang nga ang nagsulti nga dili prioridad ni Pres Rodrigo Duterte ang rev-govt kay daghan pa ang sulbarunon nga mga suliran sa nasud.
Samtang bisan si Duterte ang dili makapugong sa kagustuhan sa katawhan nga ipaubos sa revolutionary govt ang nasud.
Kini ang tubag ni Bobby Brillante,deputy spokesperson sa Mayor Rodrigo Roa Duterte–National Executive Coordinating Committee o MRRD-NECC nga nagtinguha makakuha’g suporta aron usbon ang batakang balaod sa nasud.
Miingon si Brillante nga dili na sila makatugot nga pabiling harian lamang sa pipila ka pamilya ang paghupot sa kagamhanan ug walay higayon ang ubang katawhan nga dunay kapas sa pagsilbi sa sa nasud.
