CAGAYAN DE ORO CITY-Ikustodiya na sa PNP ang nagtagu-tago nga wanted person sa grupong Parojinog Drug Syndicate nga si resigned Ozamiz City Councilor Ricardo ‘Ardot’ Parojinog gikan sa Taiwan.
Kini human gitakdang kuhaon na sa PNP ang kustodiya ni Parojinog gikan sa Taiwanese govt sukad nadakpan sa miaging bulan sa maong nasud.
Miingon si PNP spokesperson Benigno Durana nga prioridad nila mahatagan sa seguridad si Parojinog kon mahinayon nga makauli na kini gikan sa Taiwan ugmang adlawa.
Si Ardot ang manghod sa napatay nga si Ozamiz City Mayor Reynaldo ‘Aldong’ Parojinog Jr dihang gilusab sa PNP ang ilang pinuy-anan sa Ozamiz City dul-ag tuig na ang nakalabay.
