CAGAYAN DE ORO CITY, Philippines – Ipalig-on pa sa gobyerno ang Rice-for-All program.
Namahayag si Department of Agriculture Assistant Secretary ug spokesperson Arnel de Mesa nga giila isip ‘Most Approved’ government initiative ang nasampit nga programa, subay sa gilusad nga survey sa Publicus.
Ning tuiga target sa DA ang dugang 169 lokasyon aron ibaligya ang tag 29 pesos per kilo nga NFA Rice.
Gitin-aw ni del Mesa nga ang baratohon apan kalidad nga bugas maoy usa sa prayoridad sa 10 point Agenda ni President Ferdinand Marcos Jr. Kini nga bugas alang lamang sa mga piniling benepisyaryo sama sa mga Senior citizens, Pantawid Pamilyang Pilipino Program o 4Ps members, Person With Disability (PWDs) ug Solo Parent.
Hinoon, duna usab tag 45 pesos per kilo nga bugas o well milled rice alang sa mga regular buyers sa tanan Kadiwa Stores sa gobyerno.
