Panukala sa mga delivery riders ang dugang proteksyon batok sa mga risgo sa kadalanan.
Subay niini, gipadayag ni Geoffrey Labudahon sa National Union of Food Delivery Riders o RIDERS-SENTRO nga nag-atubang sila og matag adlaw nga risgo sa kadalanan sama sa trapiko ug kahadlok sa mga krimen samtang nanarbaho.
Gawas pa niana, giila niya nga usa ka dakong hagit sa ilang sektor ang kakuwang sa igong proteksyon batok sa mga nagkalain-laing klase sa peligro.
Tungod niini, nanawagan siya sa mga hingtungdan nga ahensya sa gobyerno nga hatagan og prayoridad ang kaluwasan sa mga riders pinaagi sa pagmugna og mga programa o panukala nga manalipod kanila batok sa mga dautang elemento.
Busa gihangyo niya ang publiko ug ang gobyerno nga hinumduman nga ang ilang kinabuhi bililhon usab ug dili angay basta-basta na lang mabutang sa alanganin.
