CAGAYAN DE ORO CITY – Natapos na ang isyu sa ‘rido’ o grabeng dumot tali sa pamilyang Ambol gikan sa Roroga Agus,Marawi City ug pamilyan Balt nga gikan usab sa Bayang,Lanao del Sur.
Kini human panguluhi ni Lanao del Sur Provincial Gov. Mamintal ‘Bombit’ Adiong Jr ang paghusay sa duha ka nagkabanging pamilya tinambungan sa Muslim leaders,elected officials,militar ug kapolisan sa Capitol Gymnasium, Marawi City.
Miingon si Adiong nga angayang maghusay na ang maong mga pamilya aron kalikayan ang dugang kagubot sa ilang probinsya.
Nagpasalamat ang gobernador kay misanong ang duha ka panig ug hingpit nasilyuhan ang panag-uli’g balik sa maayong relasyon.
