Gidepensa ni Rio de Janeiro Governor Claudio Castro ang pagsaka sa ihap sa mga tawong nakalas sa lapad nga police operations sa Brazil, nga gisugdan kagahapong adlawa.
Sa press conference, gikompirmar ni Governor Castro nga gikan sa 64, nga gilakipan sa upat ka pulis, misaka pa sa 132 ang namatay human misukol ang mga miyembro sa dagkung criminal gangs ug armed drug syndicates sa operasyon.
Gipamugos ni Castro nga gitun-an nilag maayo, sulod sa duha ka bulan ang maong lakang ilabe nga dili nila gustong madaut ang imahe sa ilang probinsya tungod sa pagsaka sa ihap sa mga tawong mamatay tungod sa kagubot gikan sa mga nagsumpaki nga mga gangs ug pagkuyanap sa ilegal nga druga.
Bisan sa kalampusan, daghang residente sa Brazil ang mibatig kahadlok tungod kay alang kanila, kalit ang nasampit nga operasyon.
