CAGAYAN DE ORO CITY-Dili angay basulon sa publiko kon ugaling mawad-an sa suplay sa panubig ang libuang tagbalay dinhi sa syudad ning adlawa.
Kini ang pasidaan sa Rio Verde Water Consortium tungod sa pagmagahi mosanong sa gipangayo nila nga water rate increase ang Cagayan de Oro Water District o COWD epektibo unta ning adlawa.
Namugos si Engr Joffrey Hapitan,senior vice president for operations sa Rio Verde nga importante kanila ang 16 pesos per cubic meter rate increase aron magamit ang salapi pag-ayo sa main pipe line diha sa Taguanao River ning syudad.
Samtang nagtoo nga dili basta-basta nga buhaton sa Rio Verde ang ilang bahad apan wala’y kumpiyansa ang Cagayan de Oro Water District o COWD.
Kini bisan pakyas ang COWD sa pagsunod sa demanda sa Rio Verde nga usbawan sa 16 pesos per cubic meter ang paliton nila nga tubig alang sa katawhan sa syudad.
Miingon si COWD Asst General Manager Engr Beivenido ‘Jong’ Batar Jr nga nagkatigom na ang ilang board of directors apan nagmaampingon sila sa maong kontrata.
Namugos si Batar nga naglikay usab sila sa posibleng silot nga atubangon nila sa Ombudsman.
