Subling ipatuman ni Mayor Rolando Klarex Uy ang road clearing operation sa syudad subay sa Memorandum Circular sa DILG tungod kay nagpadayon ang kapiot sa trapiko dala sa mga sakyanan nga gihimong parkingan ang kadalanan.
Alayon niini, gipangayo sa maong opisyal ang suporta sa RTA, RCB, ug ni ABC President Councilor Marlo Tabac aron paspas nga mapatuman ang direktiba ngadto sa tanang kabarangayan.
Dugang pa, gihan-ay usab ang pakig-alayon ngadto kang COCPO City Police Director Col. Dexter Paje aron mapadal-an og kapulisan ang matag operasyon kon maglisod ang mga sakop sa pagpatuman niini.
Gipasabot usab sa mayor nga kinahanglan gayud ang pagtinabangay sa tanan sanglit alang man kini sa kaayohan ug seguridad sa tibuok dakbayan.
