CAGAYAN DE ORO CITY – Giimbestigaran sa kapolisan ang usa sa tulo ka tulisan nga suspek sa sunod-sunod nga pagpanulis sa ubay- ubay’ng mga branch sa LBC sa syudad ug lalawigan.
Kini human unang gitumbok sa kapolisan nga si Rosvelt Pedro, 37, nga nagpuyo sa Buara,Brgy Bayabas ang kabahin sa mituli sa LBC-Divisoria Branch sa syudad sa miaging adlaw’ng Domingo.
Gibutyag ni Cagayan de Oro City Police Office spokesperson Supt Mardi Hortillosa nga natumbok usab nila ang kauban ni Pedro nga si Arcelito Palubon kinsa milabay pa’g granada sa tropa sa City Intelligence Branch ug Crime Against Persons and Property Desk o CAPPD ayha misibat sa wala matino nga direksyon.
Narekober sa hideout sa mga suspek ang granada, motorsiklo ug bank documents.
