CAGAYAN DE ORO CITY – Kasuhan sa pagsupak sa Comprehensive Dangerous Drugs Act of 2002 ang upat ka dinakpan sa City Drug Enforcement Unit sa Cagayan de Oro City Police Office /CDEU-COCPO ang piskalya ning syudad ugmang adlawa.
Kini human unang nakuhaan sa 290 gramos sa gitoohang shabu nga halos nagkantidad sa 2 milyones pesos dihang gipaubos sa buy bust operation sulod sa inn sa Brgy 29 sa dakbayan sa miaging semana.
Gibutyag ni Capt. Emilita Simon,deputy spokesperson sa COCPO nga kabahin sa kasuhan sila alias “Robin”, 45 anyos nga nagpuyo sa Brgy. Iponan kinsa high-value individual/HVI; alias “Pedro”, 55 anyos, ulitawo,taga-Brgy.Bulua;alias “PJ”,60 anyos,minyo nga gikan sa Aloran, Misamis Occidental, ug alyas “Felly”, 44 anyos, minyo nga Brgy Balulang ning syudad.
Gawas sa gitoohang shabu nabawi sa CDEU operatives sa mga dinakpan,nakuhaan usab sila sa android cellphone, digital weighing scale, PhP1,200.00 buy bust money ug drug paraphernalia.
Nasuta nga si alias “Robin”kanhi na dinakpan sa susamang atraso tuig 2015 ug nakagawas sa 2022 diin siya maoy nakuhaan sa 290 gramos sa shabu.
Si alias “Pedro” kanhi usab nabilanggo ug nasilbihan ang katuigan sa kasong murder.
Samtang si alias “PJ” may atraso usab sa illegal logging hinungdang nadakpan kaniadto.
Si alias “Felly” nadakpan usab nga naggamit kaniadto sa ilegal nga droga kuyog si “PJ”.
