Supisyente sa unod ang pipila ka grounds sa ika-tolo ug ika-upat nga impeachment complaint batok Vice President Sara Duterte.
Kini ang gitin-aw ni CDO 2nd district Representative Cong. Rufus Rodriguez sa eksklusibong interbyu sa bombo radyo.
Apan miingon si Rodriguez nga dili mahimo’ng ilakip sa impeachment ang mga aktibidad sa bise presidente sa Department of Education (DepEd) kay walay hurisdiksyon ang kongreso sa pag-impeach sa usa ka kalahim sa buhatan sa gobyerno.
Lakip sa gitumbok ni Rodriguez ang ground 2 ug 3 kay nakatutok man ang impeachment sa iyang trabaho sa pagka Bise Presidente.
Hisayran nga sa unom ka mga grounds nga gisumiter sa ikatolo ug ika upat nga reklamo ang paggamit sa confidential funds ug giingong bribery nga nahitabo sa Department of Education lamang ang gisupak ni Rodriguez.
