CAGAYAN DE ORO CITY – Moduso’g motion for reconsideration o MR ang kampo sa negostyanteng si Paul Rodriguez sa Commission on Elections o Comelec-Manila ning adlawa.
Kini aron hangyoon ang ikaduhang dibisyon sa ahensiya nga masusi’g balik ang ilang mga gipresentar nga mga ebedensiya nga gipasaka ni incumbent Camiguin Lone District Cong. JJ Romualdo batok kaniya alang sa May 12 elections.
Miingon si Rodriguez nga lig-on ang iyang mga gihuptang basehanan nga angay kining makadagan pagka-kongresista sa isla apan wala hatagi’g gimbug-aton sa Comelec officials.
Una niini,gi-kuwestiyon ni Romualdo ang residency ni Rodriguez diin giingong dili tinood nga sobra 11 ka tuig na kining nagpuyo sa Camiguin apan kanunay sa Cebu.
Hisayrang kanhi political campaign supporter ni Romualdo si Rodriguez sa daghang mga piliay nga miagi sa ilang probinsya.
