CAGAYAN DE ORO CITY-Gikustodiya na sa BJMP-Taguig City ang inahan sa Maute brothers nga si Omenta Romato Maute ingon man si kanhi Marawi City Mayor Fajad Pre Salic.
Kini human kabahin si Maute ug Salic sa 11 ka personalidad nga napaubos sa inquest proceedings batok sa kasong rebellion sa Camp Evangelista ning syudad kagahapon sa hapon.
Matud ni Justice Sec Vitaliano Aguirre II nga gibalhin ang mga dinakpan gikan sa Camp Evangelista sa kauluhan tungod sa dala nga peligro sa seguridad sa syudad ilabina kon luwason sa ilang mga alyado.
Si Salic ang nag-atubang usab sa kasong paghupot sa gidiling droga dihang nakuhaa’g 10 ka dagkong putos sa shabu sa iyang pinuy-anan sa Xavier Estates,Upper Balulang sa syudad sa miaging semana.
