Gikabalaka pag-ayo ni House Speaker Martin Romualdez ang gihimong pag-uli sa senado sa ilang articles of impeachment nga gitumong batok kang Vice Pres Sara Duterte.
Namahayag ang lider sa kamarabaha nga wala sila misupak sa balaod aron lang masang-at ang impeachment case sa senado batok sa bise-presidente.
Kini tungod kay gisusi’g maayu sa ilang mga kaubang kongresista ang proseso unod niini aron walay kuwestiyon sa legalidad rason 215 kanila ang mipirma aron makaabot sa senado niadtong Pebrero ning tuiga.
Siya miingon nga tahas sa kamara nga pangitaon ang kamatuoran sa matag-isyu ug ipapanumbag kung adunay mga tawo nga nalambigit niini.
Una nang gi-kuwestiyon ni VP Sara ang ‘self-serving’ nga reklamo batok kaniya nga sayod ang kadaghanan nga interes ni Romualdez ang motibasyon niini ug dili ang gipamugos nila nga kagustuhan sa katawhan.
Dumduman nga unang giimbestigaran si Inday Sara sa isyu sa confidential ug intelligence funds sa gidala niya nga opisina sa Office of the Vice President ug Department of Education aron basehan sa articles of impeachment.
Apan sulti sa pipila ka suporters ni VP Sara nga dili simple nga confidential funds issue ang tuyo sa utok sa imbestigasyon pero pagwagtang sa mga Duterte sa hingpit.
Kini aron giingong makabangon balik ang promotor sa insurhensiya ug ubang mga sindikatong kalihukan nga nahinaykan pag-ayo sa liderato ni kanhi Pres Rodrigo Duterte.
Rason sa pagpabalik sa impeachment complaint sa senado pinaagi sa 18 ka boto sa kamara nga nasupak ang gitawag nga 1-year ban kabahin sa pagduso’g reklamo batok sa impeachable officials sama kang Duterte.
Gilayong miani sa nagkadaiyang reaksyon ang nakab-ot nga hukom sa senado ngadto sa impeachment complaint rason nga dili na mahisgutan sa 19th Congress kay naipit na sa oras.
