Gihangyo sa grupo ni Davao del Norte 1st District Cong. Pantaleon Alvarez ug Citizens Crime Watch ang Ombudsman nga pahamtangan sa preventive suspension sila House Speaker Ferdinand Martin Romualdez, Majority Leader Mannix Dalipe, Rep. Zaldy Co ug Marikina City Rep. Stella Quimbo.
Kini sa tuyo nga pugngan nga impluwensiyahan sa maong mga opisyal ang himoon nga imbestigasyon.
Dumduman nga nagdason sa 12 ka ihap sa kasong falsification of legislative documents ang complainants batok grupo ni Romualdez tungod sa pasangil nga P241-B national budget insertions.
Namugos ang grupo nga bug-at nga isyu ang dishonesty, oppression ug grave misconduct rason nga ensakto na nga basehan angay sila pang-suspenshuhon.
Sa pagkutlo ning balita, wala pa’y gilugwa nga tubag ang House officials nga gi-implikar kabahin sa maong pasangil.
Hisayrang grupo gihapon ni Alvarez ang mibulgar sa nadiskobreng daghang blangko nga pahina sa national budget taliwala nga giagi na sa bicameral conference committee ayha gisaka sa buhatan ni Marcos ang sobra 6 trilyones pesos nga pondo ning tuiga.
