Kumbinsido si Vice President Sara Duterte nga si kanhi House Speaker Martin Romualdez mao ang “utok” o tigkumpas sa Makabayan bloc ug uban pang grupo sa Kamaraba aron hingpit siyang ma-impeach sa iyang puwesto.
Siya miingon nga didto na sementado ang iyang pagduda nga si Romualdez ang nagpaluyo sa tanan pasangil batok kaniya, human sa privilege speech ni Senador Francis “Chiz” Escudero.
Mahinumduman nga niadtong Setyembre 29, 2025, gi-establisar ni Escudero sa plenaryo nga si Romualdez ang nagapangusog sa impeachment batok sa bise presidente.
Kini nga pamahayag, segun ni Duterte, naghatag sa klaro nga hulagway sa tinood nga nagpaluyo sa mga pasangil ug naglig-on sa iyang baruganan nga pulitika ang nagpaluyo sa mga reklamo.
Gani, gikan pa mismo sa baba ni Romualdez ang pag-ingon nga nakigpulong siya sa Makabayan bloc aron hisgutan ang confidential funds sa Office of the Vice President.
Una niini, gipamugos ni VP Sara nga nag isyu sa impeachment nagsumikad sa Makabayan bloc ug gisakyan ni Romualdez nga niadto, mihungaw ang ambisyon nga mudagan pagka-presidente sa 2028.
