Nadag-an sa beteranong aktor nga si Ronnie Lazaro ang Best Actor sa gilusad nga 6th Sinag Maynila film festival sa Metropolitan Theatre ng Maynila kagabii.
Usa sa lead cast si Lazaro alang sa pelikulang “The Gospel of the Beast” nga ubos sa direksyon ni Sheron Dayoc.
Kini nga pelikula nakadawat sa daghang pagdayeg sa international community human kini napagawas sa Singapore, Tokyo Japan ug sa Amerika.
Unang napagawas ang pelikula sa tuig 2023 diin ang lead role nahuptan ni Jansen Magpusao, kinsa giila sa pelikula nga si Mateo, 15 anyos, usa ka gubutero sa iyang tunghaan apan, maluloy-on sa iyang duha ka igsoon.
Siya ang nahimong padre de pamilya sa ilang puy-anan human na missing ang ilang amahan.
Tungod sa iyang pagka-gubutero, napatay niya ang usa sa iyang school mate diin sa iyang pagtagu-tago sa balaod, dinhi niya natagbo si Berto kinsa mipugos kaniya nga musulod sa kinabuhing pagka-sindikato isip tigpayuhot sa druga.
Sa pagdawat ni Lazaro sa iyang award, iyang gidayeg ang mga direktor nga padayong naningkamot nga mapreserbar ang deklaibre nga mga pelikula sa panahon nga social media era.(Bombo Anne Quileste).
