Gibatikos ni Kanhi Presidential Spokesperson Harry Roque ang International Criminal Court (ICC) mahitungod sa 10-ka bulan nang nakapreso si Former President Rodrigo Duterte diin karon pa nagsugod pagpangita sa ebidensiya ang ICC batok sa kanhi Presidente.
Sumala kay Roque nga makabalaka kini tungod kay dili inana ang binuhatan sa usa ka tarong nga institusyon diin dapat sa wala pa gipa-preso, aduna na dapat husto nga ebidensya.
Dugang pa ni Roque nga kasabot siya nga sa nakabutang nga “good grounds” apan kung nakahibalo na diay ang ICC daan palang nga walay husto’ng ebidensya, wala na dapat nila gipamugos ang pag-aresto kang Duterte, lakip na ang pag-salikway alang sa “interim release” niini.
Matud pa ni Roque nga dapat “fair is fair” busa buhi-an dapat nila si Tatay Digong diin kulang pa ang ilahang ebidensya batok sa iyaha. (Jane ABulag)
