CAGAYAN DE ORO CITY, Philippines – Mipalag si kanhi Presidential Spokesman Atty. Harry Roque gipalugwa nga Immigration Lookout Bulletin Order batok kaniya.
Gibutyag ni Roque nga pagpangharas ang maong kamanduan ilabe na nga bugtong gibasihan sa BI ang iyang koneksyon kang Katherine Cassandra Li Ong.
Dumduman nga sa milabay’ng senate hearing mi-angkon si Roque nga managhigala silang duruha ni Ong, ug mitabang siya sa pagproseso sa legal documents sa negosyante sa milabay’ng tuig.
Nasuta usab sa senado nga nalambigit si Ong sa ilegal nga operasyon sa POGO hub sa Porac, Pampanga.
Tungod niini, nagtuo si Roque nga ang utok sa kamanduan nagsumikad sa Malakanyang ilabe nga ilado siyang kritiko ni Presidente Bongbong Marcos.
Si Roque usab ang nagpasi-atab sa kampanyang ‘drug-free Malakanyang’.
