Gitin-aw ni Atty Harry Roque nga daku kaayo’g tabang kaniya ang mga langyaw nga pulis sa The Netherlands. Sukwahi sa report nga siya gisikop, miingon ang human rights lawyer nga gikompronta sa kapulisan ang pipila ka indibidwal nga gitoohang nangispiya kaniya ug gipadelete ang ilang gikuha nga video, ayha kini milupad sa Austria. Namugos si Roque nga daghang mga report nga nadawat ang kapulisan sa maong nasud nga gapamatyon ang mga asylum seekers busa gihimo lamang nila ang ilang obligasyon sa pagprotektar sa buot magpasilong sa ilang nasud. Hisayran nga ang insidente nahitabo human ikanselar sa Department of Foreign Affairs (DFA) ang iyang pasaporte tungod sa kasong human trafficking ug POGO operations.
