CAGAYAN DE ORO CITY-Ipatawag ni PNP deputy regional director for operations Sr Supt Gerardo Rosales ang directorial staff ug police station commanders nga naglangkob sa Cagayan de Oro City Police Office o COCPO ning adlawa.
Kini nunot sa opisyal nga paglingkod ni Rosales isip officer-in-charge sa COCPO tungod sa pagka-relib ni Sr Supt Ronnie Francis Cariaga kay gi-destino sa MIMAROPA PNP sa Luzon.
Miingon si COCPO spokesperson C/Insp Mardy Hortillosa II nga wala na’y mahitabo nga turn over of command tali Rosales ug Cariaga tungod kay dugang tahas lamang kini nga gisangon gikan sa PNP-10 kanila.
Si Rosales ang kanhi na usab nahimo nga city police director sa syudad ayha nadestino sa Lanao del Norte Provincial Police Office ug nabalik sa Kampo Alagar.
