CAGAYAN DE ORO CITY– Subling nahagit ang grupong Rotary Club sa ilang adbokasiya nga pakgangon ang sakit nga polio sa nasud.
Base sa ulahing data sa Department of Health, duha na ka bata ang natalang nagsakit sa polio, diin labing una ang 3 anyos nga batang babaye sa Lanao del Sur ug ikaduha ang 5 anyos nga batang lalaki sa Laguna.
Namahayag si Dra Jing Dablio, past governor sa Rotary Club of Northern Mindanao sa Bombo Radyo nga paspas makatakod ang bayrus nga dala sa polio sa mga batang ug tigulang nga wala nabakunahan sa anti-polio vaccines.
Si Dablio miingon nga importante nga mubisita sa health center ang tanan ginikanan sa eskedyul nga gihatag sa mga doktor kung kanus-a nila pabakunahan ang ilang mga anak.
Mitin-aw si Dablio nga life-threatening o delikado ang sakit nga polio tungod kay mahimong makalolooy ang mga batang mag-antos sa maong sakit.
