CAGAYAN DE ORO CITY-Mi-resign isip regular nga empleyado sa city hall ang nagsilbing tigpamaba sa pamilyang Rotoras nga si Eldie Rotoras.
Miingon sa Bombo Radyo si Rotoras nga ang pagluwat niini sa puwesto ang epekto sa konsultasyon sa iyang mga igsoon ug mga suod nga higala sa trabaho.
Giangkon ni Rotoras nga ang presyur sa pagpangita’g hustisya sa kamatayon ni USTP president Dr Ricardo Rotoras ang usa sa mga bug-at nga rason nganong mi-resign kini sa trabaho.
Si Rotoras ang 28 ka tuig nga empleyado sa city council diin mo-epekto ang iyang resignation sa Hulyo 16 ning tuiga.
Nasayran nga gitumbok sa magsoong Rotoras nga person of interest sa kamatayon ni Dr Rotoras ang upat ka tawo diin naglakip sa ilang sister in law nga si Zarah Lynn Rotoras nga hilom pa gihapon batok sa maong isyu ning panahona.
