CAGAYAN DE ORO CITY-Nasubo ang pamilyang Rotoras nga pabiling walay klaro ang dagan sa imbestigasyon sa kamatayon ni USTP President Ricardo Rotoras kinsa gipusil sa duha ka suspek tungod sa iyang balay sa Upper Carmen ning syudad.
Kini human pakyas pa gihapon ang mga imbestigador sa pagtumbok kinsa ang utok sa kamatayon ni Rotoras diin mag-usa ka tuig na sa Disyembre 2 ning tuiga.
Miingon si Eldie Rotoras,mitindog nga tigpamaba sa ilang pamilya nga duol na sila mawad-an sa paglaum kon mahatagan pa ba sa hustisya ang nahitabo igsoon niini.
Gani,mohimo unta sila’g martsa gikan sa USTP padulong sa Kiosko Kagawasan apan tungod sa kakulang sa ilang salapi,moduaw na lamagng sila nga magpamilya sa lubngangan ni Rotoras sa adlaw’ng Domingo.
Samtang dili mahimong magpataka na lamang ang kapolisan sa pagpangdakop ug pagkaso mga suspek pagpatay kang Rotoras ning syudad.
Kini ang baruganan sa kapolisan sa subli pagbati sa pagka-dismaya sa pamilyang Rotoras tungod sa pakyas pagsikop sa utok sa kremin dul-ag tuig na ang molabay.
Miingon si Special Investigation Task Group Rotoras spokesperson Supt Mardi Hortillosa nga dili sila mohimo’g lakang nga mabasura lamang ang kaso pag-abot sa korte.
Miingon si Hortillos nga pabiling nag-imbestigar pa ang SITG diin may gihatag nga tahas si City Police Director Sr Supt Nelson Aganon sa CIDG aron mapalig-on pa ang kaso batok sa mga suspek.
Bugtong usa ka Johnrile Gamanay pa gyud gihapon ang gitumbok nga mipusil kang Rotoras ug pagbaton sa testigo ang anaa sa SITG apan pakyas pa matumbok ang pinaka-utok sa maong kremin.
