Nagpabilin pa nga giusisa sa Roads and Traffic Administration kon RTA ang gipasang route plan map sa mga drayber sa baobao nunot sa hangyo nga matugotan silang makabiyahe paingon sa National Highway ug Puerto.
Sumala ni Bugo TRICAB President Armando Villaflor, kapin 1 ka tuig na silang nagsumite sa gikinahanglang mga dokumento ug resolusyon apan gikatala gihapon kini nga under study matud sa buhatan ni Councilor Enrico Salcedo.
Panawagan sa mga drayber nga imbes papason, mas maayong i-regulate ug hatagan na lamang og sakto nga ruta ang ilang pagbiyahe tungod kay mao kini ang pinakabarato nga sakyanan nga gisaligan sa masa.
Dugang pa sa pamunoan, dako kaayo og tabang ang baobao tungod kay makadaginot kini sa gasolina, dali gamiton, ug makaprotektar sa mga karga ug paninda sa mga mopalitay batok sa ulan
