CAGAYAN DE ORO CITY – Patay ang roving supervisor sa Padla Security Agency sa dihang gidul-itan pagpusil sa duha ka wala mailang suspek gamit ang kalibre 45 ug 9mm pistols sa Upper Ramonal Village,Brgy Camaman-an ning syudad.
Giila ni Police Lt Arliegh Cardinal sa Cogon Police Station ang biktima nga si Lorcidito Zamayla,41 anyods,minyo ug nagpuyo sa lugar.
Subay sa inisyal nga imbestigasyon,naglingkod sa lingkuranan ang biktima sa dihang kalit miduol ang motorcycle in tandem suspects ug gipusil ang biktima sa daghang higayon.
Naigo ang ulo ug lawas sa biktima nga hinungdan sa akmatayon niini.
Gani,narekober sa crime scene ang 13 ka basiyo sa maong kalibre sa sa armas samtang paspas misibat ang mga responsable sa kremin.
Samtang kumbinsido ang pamilyang Zamayla nga gumikan sa dedikasyon sa trabaho hinungdang gipatay ang biktima nga si Zamayla sa Brgy Camaman-an ning syudad.
Miingon ang amahan nga si Raul Zamayla nga isip roving guard ang iyang anak,dili kalikayan nga nabangi niini ang ubang mga sekyu nga dunay pagkalabad sa trabaho.
Nanganti ang pamilya nga pangitaon ang mga kriminal aron manubag ug mahatagan sa hustisya ang kapikas sa biktima nga kutob na lamang sa pagdanguyngoy sa paghilak tungod sa hitabo.
