MANILA – Namiligro nga dunay pag-ulbo sa ‘cold war’ sulod sa West Philippine Sea.
Kini ang pasidaan ni Chinese Foreign Ministry spokesperson Lin Jian kabahin sa plano sa Pilipinas ug Japan nga sudlan nga Reciprocal Access Agreement o RRA.
Miingon si Jian nga walay angay tugutan nga molawgaw sa kasamtangang kahusay’g kalinaw sa maong bahin sa Asya rason nga gisupak nila ang plano sa duha ka magkaalyadong nasud.
Apan depensa ni Japan Deputy Press Secretary Kaneko Mariko nga alang kini sa ikaayo tali Japan ug Pilipinas.
Siya miingon nga pagpalig-on lamang kini sa bilateral ties.
Una niini,apil ang Japan nga nagkondinar sa China kabahin sa harassments sa Pilipinas tungod sa inilogay sa teritoryo
.Samtang dili militarasyon apan kaugalingong kaayuhan sa Pilipinas ang giplano nga pagsulod niini sa RAA.
Kini ang paghupay ni National Security Council Asst Director General Jonathan Malaya kabahin sa kabalaka sa Makabayan Bloc nga ang sudlang lakang sa Pilipinas kuyog sa Japan ang makadugang kainit sa tensyon sa West Philippine Sea.
Miingon si Malaya nga tun-an usab kini’g maayo sa gobierno ug matuman lamang kon dunay ratipikasyon nga ihatag ang senado ug kamarabaha.
Dugtong niini,gipasalig ni Senate Pres Chiz Escudero nga personal niyang paluyuhan ang Reciprocal Access Agreement tali Pilipinas ug Japan.
Kini sa tinguha nga mapalig-on pa ang depensa sa nasud kuyog ang Japan pag-abot sa isyu sa mga giilogan teritoryo sa West Philippine Sea.
Miingon si Escudero nga ensakto ang tayming sa maong lakang ilabina nga kanunany’g biktima sa pagpangharass ang Pilipinas sa puwersa gikan sa China.
Hisayrang kabahin ang senado nga dugay nang napungot sa mga binuhatan sa China sa maong isyu.
